Image default
Blogs

Jahannum ki Sanad (Certificate of Hell) – by Ahmer T Qureshi

Abbu mujhey 5000 chaiye,

Kis khushi main?

Merey college k enrollment form ka msala hogaya hai or college waley keh rahey hain k 5000 ka khercha hai ager paisey de saktey hoto batao tumhara kaam kerwa daingey nahi to agley saal ka intizaar kero.

Yeh kia wahiyaat baat hai?

Paisa kia darakht per ugta hai?

Kiyun de dain kisi ko 5000 rupey?

Or wesey bhi abhi hi tumney enrollment k 2340 bharey hain ab 5000 kis baat key?

Merey college k clerk ka intiqaal hogaya hai. Or us ki jagha naye aaney waley clerk ko kuch nahi pata tha us ko jis ki samajh main aayi us k enrollment forms utha ker aagey us ney Karachi University walo ko de diye.  Or mujh samait kayi or students k forms college main hi reh gaye. Ab who keh rahey hain k tumhara kaam sirf commission agents k through hi hosakta hai or wo theek thaak paisey charge karaingey.

Form college main reh jana hamara masla nahi hai un ko bolo k kuch bhi karain yeh un ka masla hai hamney fee bherdi hai aagey wo janein ya un kaa kaam. Ham koi fee wagera pay nahi karaingey. That’s it!

Abbu please paisey de dain nahein to woh log mera saal zaya kerdaingey.

Bhae kis khushi main pesey de dain unhain?

Tum saber kero. Pareshan Na ho. Main aik bandey sey baat kerta hoon, tumharey hi college main abhi tabadla hua hai un ka, Islamiat perhatey hain, bohot aala paye k aalim bhi hain.

Assalam O Alaikum Siddiqui Sahab, Kesey hain aap?

G Fermaiye Mustafa Sahab, Kesey yad ki aap ney?

Bas G mera chota beta Ahmed hai na us ka aik masla hoagaya hai aap hi k college main perhta hai.

Batain g aap ka beta hamara beta eik hi baat hai,

Wo derasal college waley keh rahey hain k Ahmed ka enrollment form University Forward nahi hosaka koi clerk they pehley un ki death ki waja sey. Ab College waley 5000 mang rahey hain.

Ohh hooo, aap k bachey k sath bhi masla hua hai,

Yaqeen maniye Mustafa sahib, Bohot sarey bachey rul gaye hain ab ki baar to us kambakht clerk ki wajah sey. Aap eik kaam karain. Waqt kam hai, khud bhi pareshan na hoo or bachey ko bhi nakarain, College waley jo paisey mang rahey hain who de dain December k last main imtihanat hain jald az jald paisey de dain ta k kaam hojaye or bachey ka saal bach jaye.

Per Siddiqui sahib, yeh to sara sar bachey ka saal bachey ki aar main rishwat mangney ka naya tareeqa hai or aap ney wo hades nahi suni k rishwat leney or deney wala dono jahannumi hain. Aap to islamiat k teacher hain phir upper sey aap aalim bhi hain aap aisa mashwara kesey de saktey hain?

Ohooo Bhaee, Musrtafa Sahab, yeh deen aap hamain na sikhayein ager rishwat sey bachney ka itna hi shoq hai to mat dain paisey or bachey ka saal zaya kara dain, eik to aap ko saheeh mashwara de rahaa hoon or aap mujhey hi deen sikha rahey hain, Poorani dosti ka lehaaz hai Ager mood hoto Bachey k hath 5000 ki jagha 4500 bhijwa diyega. Baqi main dekh loonga.

Lo bhala batao to saheeh, bachey ka saal bachney ki khatir jahannaum ka certificate le lain kia? Nahi bhae nahi, main to nahi jaunga Jahannum. Tum apnsa saal zaya samjho, or agley saal phir apply kerdena.

Per abbu,

Kuch nahi sunoonga main tumhari,

Mainey itni achi tayyari ki hai, sara saal dil laga ker perha hai or main ab apna saal zaya hona berdasht nahi keroonga, aap ko paisey deney hi hongey 4500 meri saal bher ki mehnet sey berh ker nahi,

Kia hua aap dono ko? Kiyun ler rahey hain?

Ammi abbu ko bolain k mujhey university agent ko deney k liye paisey dain, nahi tooo……..

Aap bachey ko paisey de bhi dain

Ha or jahannum ki sanad bhi sath le loon na?

ALLAH bohot Raheem hai who sab janta hai, woh yeh bhi janta hai k hamarey bachey ney kitni mehnat ki hai, or us ka saal zaya hona bachey k mustaqbil per farq dalega,

To tum bhi yeh chahti ho k main ALLAH or Rasool k ehkamat ki khilaf werzi keroon?

Mainey aisa kab kaha? Main to sirf bachey ka saal bacahney ki baat ker rahi hoon, jaha aawey ka aawaa hi bigra hua ho waha hum Gareeb log Talwar nahi utha saktey, behter hai k ham bhi halaat sey samjhota kerlain or Turram Khan na banain.

Or aagey ALLAH malik hai.

Theek hi kehti ho tum,,,,, Shayad k waqai ab hamara ALLAH hi malik hai….

Ahmed, Kal mujh sey tum sham ko paisey le lena.

Dear TNT Reader,

At The News Tribe, our mission is to bring you free, independent, and unbiased news and content that keeps you informed and empowered. We are committed to upholding the highest standards of journalism, as we understand that we are a platform for truth.

Apart from independent global news coverage, we also commit our unique focus on the Muslim world. In an age marked by the troubling rise of Islamophobia and widespread misrepresentation of Muslims in Western media, we strive to provide accurate and fair coverage.

But to continue doing so, we need your support. Even a small donation of 1$ can make a big difference. Your contribution will help us maintain the quality of our news and counteract the negative narratives that are so prevalent.

Please consider donating today to ensure we can keep delivering the news that matters. Together, we can make a positive impact on the world, and work towards a more inclusive, informed global society.

Monthly Subscription Annual Subscription

Visa Card MasterCard American Express Card

We want to hear your Travel Stories.

Do you have a memorable, unbelievable, or favorite travel experience? Share your story with us.